Liste des produits de la marque Sindibad Editions

كل أعمال فاتن الفازع

Prix 56,00 TND
Disponibilité: 4 En Stock

بيت ظلام ، ملامح وجهو نرى فيهم ما بين شمعتين قريب يذوبوا ، نرى في الرّعشة متاع الضّو كيفاش تمشي وتقوى والشّمع يقاوم، موزيكا صوفيّة تبخنس وصوتو مكسّر السّكات اللّي ليه مدّة عشّش مابيناتتا ، يحكيلي على تصوّرو للدّنيا ، قاعد يقلّي اللّي على حسب تقديرو ، الوجود بدى من برزخ ، بين موت وحياة ، بين هواء وفضاء ، نمشيوا ونرجعوا ، نتعبوا ونرتاحوا ، هو يحكي وانا ماعادش مركّزة معاه فاش يتحدّث ، ظهرلي يهزّ وينفض آما آنا نموت على هزّانو ونفضانو ونموت على كلّ حاجة فيه . 

جبدت سيڤارو شعّلهولي ، قربتلو حشيت خشمي في رقبتو ، نحبّها ريحتو ديما بنينة ، جبدت نفس قويّ باش نعبّي بيه رواريّا ، خاطر عارفة اللّي ليلتها آخر ليلة باش نشوفو ، آخر ليلة باش نشمّ ريحتو ، باش نسمع صوتو ، باش ننطق اسمو …